ES | EU
Gobierno Vasco

 

                                  Testu liburuak
     Eskuliburua
                                    Argazki bilduma

 

 

 

Iradokizunak helbide honetan bidera ditzakezue:

info@oriarte.eus

"EUSKARA ZINEMA ARETOETARA" PROGRAMA

  • 2019/10/23 |

Astelehenean, urriak 21, DBHko lehen mailako ikasleak, zortzi talde (180 ikasle inguru), Manuel Lekuona Kultur etxean izan ziren “Gazte harrigarria” filma ikusten.

Film hau izan zen Donostiako 61. Zinemaldiaren itxiera ekitaldian proiektatu zena.

Institutuko Hizkuntza Normalkuntza Batzordea (HNB) arduratu da film hau ekartzeaz TINKO Euskara Elkarteak eskaintzen duen sortatik aukeratuta.

Pelikularen leloak dioen moduan: mundura irten beharra dago norbere burua aurkitzeko.

Gehienak gustura atera ziren aretotik. Ea baliagarri izaten zaien bizitzan aurrera egiteko.

 

DBH1-EKO IKASLEAK NAFARROAN

  • 2019/10/15 |

Urriaren 9 eta 10ean, asteazken-ostegun, DBHko lehen maila osoa (8 talde) Nafarroara joan zen kirola egin, bazterrak ezagutu, harremanak sendotu eta euskara praktikatzera.

A eta B taldeek Legasa herriko aterpetxean hartu zuten ostatu eta E, G eta H taldeek Narbarte herrikoan. Hauek guztiek Bertizeko parke naturala bisitatu, abentura parkean ibili (zuhaitzez zuhaitz) eta Ferrata bidea egin zuten (eskalada).

C, D eta F taldeak berriz, Arantza herrira joan ziren, bertako ostatuan geratuz. Hauek kobazulo baten barrena ibili ziren beste ekintza batzuen artean.

Irakasle zein ikasleak gustura ibili ziren.

Argazki gehiago ikusteko klikatu hemen.

        

 

BULLYING-ARI BURUZKO FORMAZIOA

  • 2019/10/14 |

Guraso agurgarriok:

Gelako guraso bileran aipatu genuen bezala Urriak 15ean, asteartea, arratsaldeko 18:00tan Larrekotxe eraikineko aretoan BULLYING-aren inguruko ikastaroa egingo da.

 

GAILU DIGITALAK ESKURATZEKO DIRULAGUNTZA DEIALDIA

  • 2019/10/12 |

Guraso agurgarriok:

2018-2019 ikasturtean ikasketa-laguntzetarako deialdiko beka bat jaso bazenute, jakin Hezkuntzak bekadun familia bakoitzarentzat ordenagailua erosteko gehienezko 200€ ko diru laguntza ematen dezakeela. Honi buruz, Hezkuntzako web orrialdean argibide gehiago aurkituko duzue.

Eskaera hori egiteko epea urriak 25an bukatzen da. Ordenagailua berria edo 2018ko urriaren 3tik aurrera erosia izan daiteke.

 

INTERPRETAZIO ZERBITZUA GURASO BILERA OROKORREAN

  • 2019/10/07 |

Lehengo astean burutu zituzten tutoreek guraso bilera orokorrak. Aurtengoan, berritasun gisa, interpretazio zerbitzua jaso zuten batxilergoko 2A taldeko gurasoek. Udaletxeko Euskara Zerbitzuak Oriarteko Hizkuntza Normalkuntza Batzarkideei zerbitzu hori erabiltzeko gonbita luzatu zien.

Bai Hizkuntza Normalkuntzako taldekideek, baita zuzendaritzako kideek ere, ‘Interpretazio Maleta’ guraso bilera orokor batean erabiltzea gure hizkuntzaren normalkuntza prozesuan beste aurrerapauso bat izan litekeela aztertu zuten; eta halaxe izan da: Bilera guztia euskaraz egin ahal izan zuen Itsaso Garmendia tutoreak, eta euskara ulertzen ez zuten guraso haiek entzungailuak jarri eta Maria Barral ingeles irakasleak egindako aldibereko itzulpena entzun ahal izan zuten.

ESKERRIK ASKO Itsaso Garmendia tutoreari bere prestutasunagatik, 2A taldeko gurasoei beraien ekarpenenengatik, eta batik bat Maria Barrali, egindako lan bikainagatik!

     

 

© IES Oriarte BHI
Telefonoa: 943899492 | Telefonoa: 943899494 | info@oriarte.eus