ES | EU
Gobierno Vasco

 

     Eskuliburua

 

 

Iradokizunak helbide honetan bidera ditzakezue:

info@oriarte.eus

BIHOTZ-BIRIKETAKO BIZKORTZE IKASTAROA

  • 2019/04/05 |

Irakasleon formazioaren barruan bihotz-biriketako bizkortze ikastaroa jaso dugu. DYAkoek emergentzietan izan beharreko jokabideari buruz oinarrizko ezagutzei buruzko hitzaldia eman digute. Horrelakoetan zer jokabide eduki behar den eta bihotz-biriketako bizkortzeari lotutako oinarrizko maniobrak ezagutu arazi dizkigute. Ondoren guztiok ariketa praktikoak egin ditugu.

Ikastaro oso interesgarria eta baliagarria izan da.

        

 

EPILEPSIARI BURUZKO HITZALDIA

  • 2019/04/04 |

Astelehenean eta asteartean, apirilak 1 eta 2, DBH 1eko ikasleek, Donostiako Unibertsitate Ospitaleko bi neurologen eskutik Epilepsiari buruzko hitzaldia jaso dute. Bertan epilepsia zer den eta sintomen aurrean nola jokatu ikasi dute.

     

 

JON ARRETXE IDAZLEA ORIARTEN

  • 2019/04/02 |

Astelehenean, apirilak 1, Jon Arretxe idazlea Landaberri eraikinera etorri zen ikasleei bere nobela baten berri ematera. DBHko lehen mailako ikasle gehienek Arretxeren "Beti iparralderantz" nobela irakurri dute lehen eta bigarren ebaluazioetan eta beste batzuk orain ari dira irakurtzen.

Hori dela eta, aipatutako nobelaren inguruko solasaldia izan zuten eta bukaeran egileak liburuak sinatu zituen. Aitortu beharra dago; batetik nobela oso gustura irakurri dutela -gaur egun puri-purian dugun migrazioari buruzkoa-, eta, bestetik, solasaldian ere gozatu zutela ikasleek.

     

 

BATXILERGOKO IKASLEAK ERROMAN

  • 2019/04/02 |

Batxilergoko lehenengo mailako ikasleak Erromara bidaiatu zuten Martxoan. Koliseoa, Vatikano Hiria eta Navona enparantza bisitatu zituzten besteak beste.

           

 

AGUR SANDRA

  • 2019/03/29 |

AGUR SANDRA

Gure ikasle eta laguna zen Sandra joan zaigu, bere irribarrea galdu dugu, baina gure oroitzapenean betirako gordeko dugu.

 

© IES Oriarte BHI
Telefonoa: 943372852 | Telefonoa: 943372890 | Fax: 943371678 | info@oriarte.eus